LEZZAYER  TAMANEƔT – Asqamu Unnig i Timmuzɣa (HCA) akked Tnegga n Yisalan n Lezzayer (APS), ad ssuddsen ass n sad (ssebt) i d-iteddun deg tesɣimt n tneggarut-a, yiwen n umyiger n telɣut ɣef usentel n ’’Tamaziɣ akked yimeẓla inagduden’’, s uttekki n yisdawanen akked yimsuɣlen s tihawt n yigensasen n sḍis n yineɣlafen.

Amyiger-a yers deg ubrid n umecwar yerzan asuɣel ɣer tutlayt tamaziɣt n wallalen yemgarden igan deg useggas n 2017 ilan iswi d amsezgi cwiṭ cwiṭ ɣer wayen i d-tenna Tmenḍawt, i ceggren deg furar 2016.

Deg usihar-a, ad tili deg-s yiwet n tɣuri akked uqbal n wamek ara yilin isekkilen n tira yellugnen mi ara yilin yigalisen akked yimuggizen n tedbelt akked useḍru n yisalalen n yimesli i yiznen yerzan imsiklen.