Ibedd umaray amatu n Usqamu Unnig n Timmuzɣa, mass Si El Hachemi Assad, tasebḥit n wass-a ɣef tulya tunṣibt n tmesrit n udlis amaziɣ di wasif(SLAO), deg tezṛigt-ines tis semmus_05, i d-thegga taddart n at reggan di tɣiwant n ugni geɣṛan deg lwilaya n tizi wezzu, aya d-yilin seg 30 ctember ɣer 03 tuber 2026.

Armud-a adelsan, ad d-ijemmel deqs n yimaruyen d yemnadiyen akked yimezṛagen, ayen ara t-yeǧǧen d tagnit n usqerdec tektiwin, anda ara d-yili uziken n tsuffɣiwin timaynutin yuran s tmaziɣt deg taɣulin n tsekla, amezruy, tigemmi, d taɣulin nniḍen, ayen ara yefken tagnit i wazal n tutlayt tamaziɣt deg wudem adelsan aɣelnaw, akked useṛṣi n tilin-ines deg wannar.

Ahil n temsrit-a ɣur-s: timzikent n yedlisen, isaragen, d tnemsal i lfayda n yinelmaden d yisdawanen.