Tella-a taṣebḥit n wass-a 05 furar 2026 deg Usqamu Unnig n Timmuzɣa, yiwet n temlilit i usenṣeb n tesmilt tussnant yettukelfen s yibeddi ɣef temlilit tagreɣlant s uzwel "idles n uzbu gar umezruy akked tkatut d usugen" aya ilmend n usmekti wis 70 n ugraw n soummam, ara d-yilin di lwilaya n bgayet deg waggur n ɣuct i d-yetteddun.

Timlilit-a tella-d s lmendad n mass Si El Hachemi Assad, amaray amatu n usqamu unnig n timmuzɣa s tilin n:

Mass Leḥsen Zɣidi, imḍebber n tesmilt taɣelnawt n umezruy d tkatut .

Mass Meɣduri Ḥasan, anemhal n usalay aɣelnaw n umjahed, akked ugensas n uɣlif n yimjuhad d bab izerfan.

Mass Ḥemzawi Murad, anemhal n yimjuhad n lwilaya n bgayet, d agensas n mass lwali.

Mass amaray amatu, iwekkded deg umeslay-is d akken asuddes n temlilit-a ad d-tili ilmend n leṣaya tunnigin n Uwanak Azzayri ara yessiwḍen ɣer userṣu n tkatut taɣelnawt, d uḥraz n umezruy akked usnerni n yidles d unadi ussnan, ayen ara d-ibeggnen azal n yidles n uzbu ara yilin d lsas i lebni tefrit tamazrayt d tkatut taɣelnawt.

Timlilit-a tussnant ara d-yilin s umatawa akked tesmilt taɣelnawt n tkatut, d uɣlif n yimjuhad d bab izerfan, lwilaya n bgayet, akked yisemmasen n unadi uzzigen, s uttekki n yimnadiyen n tmurt d wid beṛṛa n tmurt.