S leḥzen d ameqqran ara d-yesmekti Usqamu Unnig n Timmuzɣa tamettant n unaẓur Mass Karim Ṭaher i yewḍen leɛfu Ṛebbi ass n 10 tuber 2025 deg Lezzayer Tamanaɣt, s yisem n Usqamu Unnig n Timmuzɣa d yikataren-is ad aznen ṣṣber d tebɣest i twacult-is, d usenmer-is ɣef wayen yexdem imi d anaẓur ameqqran i yefkan tudert-is i leqdic n yidles d tmurt, yejmeɛ deg ubrid-is gar talsa n tidet d taɣdemt taɣelnawt lqayen.
Karim Ṭahar isem-is n tidet Ṭahar Xali, ilul ass n 17 tuber 1931 deg tɣiwant n Leflay ɣer yiri n wasif Ṣummam. D yiwen seg yimezwura n tezlit tazzayrit tatrart. S tmusni-s d tebɣest-is d telqey n yiḥulfan-is, yessaweḍ tilawt d tlelli, ad d-yefk i uẓawan Azzayri amaynut ara yesdukklen rruḥ n tgemmi, akken ad yexdem taẓuri-ines d temsebridt n tdukli tadelsant d tin umdan.
Isem-is yeqqim-d s leqdic n tẓuri yettwasnen am : ya qalbi ɛlac, mahla lqamra, aɛlam lǧazayer, skanen-d tayri n tmurt, lḥerma n umdan d liman i iresxen deg wazal n tlelli d tnaya. Yerra Karim Ṭahar deg tẓuri-ines izen d tarrayt akken ad d-ibeyyen tadukli d usirem n tmurt i yettwaqnen yerna yettwaḥerzen akken yella daɣen d anaddal ifazen. Yella daɣen d amleggam uqbel ad d-yeffeɣ d anefray deg unnar agraɣlan. Imi yeḍfer deg waddal ilugan-nni i yesɛa deg uẓawan-is askater akked leqder.
Asqamu Unnig n Timmuzɣa, ass-a, ttheggi tikli-ines tameqqrant s wakka ad d-tettunefk azal i yiwen n umedya n yidles aɣelnaw, d yiwen unaẓur ijemɛen gar usnulfu d usekles, yeǧǧa-d amkan-is zeddig deg wulawen n Yizzayriyen, taɣect-is taḥlawant, d tudert-is zeddigen, ad qqimen d lemtel i tsutwin i d-iteddun.
Asmekti n Mass Karim Ṭahar, d asmekti n wazal n tẓuri n tidet mi ara d-teffeɣ deg leqdic n tmurt. Ayen i d-yeǧǧa ad yeqqim i lebda deg ccfawat n Yizzayriyen, d ttbut dakken idles aɣelnaw yella yerna ad yeqqim d yiwen seg yiɣallen n tdukli.