S lmenddad n umasay n ugezdu n Bgayet d tallelt n tesdawit Abderrahmane Mira d tmehla n Yidles d Tẓuri, ad d-yessuddes Usqamu Unnig n Timmuzɣa Ass n Larebɛa 21 Ctember 2022, timlilit n usemer n umtawa akked Tesdawit n Bgayet, ad t-id-yeḍfer tfugla n tullya i tikkelt tamenzut n ugezdu n tsuqilt gar tmaziɣt d tutlayin nniḍen.

Ass n Lexmis 22 Ctember 2022 deg tmekarḍit tagejdant n Bgayet ad d-tili tegnit i yiwet n temlilit tussnant s uttikki n terbaɛt n yisdawanen, i usekrazal n temhelt n ujmaɛ n tnefkiyin ɣef tutlayin d yidelsan di Lezzayen, ilmend n usenfar n Aṭlas n tutlayin tettheyyi tuddsa n UNESCO. 

Ilmend n Usenfar-a dɣa, ad yili usebdded n Mass Ramdane Touati, asdawan amuzzag deg tesnilest n tmaziɣt, s yisem-is d amasay n usenfar di Lezzayer, s tallelt n snat n tsudwin, Asqamu Unnig n Timmuzɣa akked Uɣlif n temsal n uzɣar d umadhal agraɣlan.