Asqamu Unnig n Timmuzɣa yessuddes-d i wass n Sed (ssebt) 13 yunyu 2020 deg tzeqqa n "furum tamaziɣt tura" yiwet n tnemselt  yerzan assiɣẓen n tmucuha d-yettwasemden s tantaliwin yemxallafen n tmaziɣt yettwasmersen di Lezzayer, ilmend n usiẓreg-nsent.

 

I usmekti , ahil-a n usmad n tgemmi taseklant tamaziɣt yessallel Usqamu Unnig n Timmuzɣa, d asenfar n snat n tdukliwin tidelsanin timaziɣin, Numidya n Wehran d tifawin n At Ḥuwwa (Di Clef) .

 

Seld asurif-a amezwaru n snat n tdukliwin-a, yella-d usiɣzef n uẓeṭṭa-ya n usmad ɣer tamiwin nniḍen n tmurt yezdi tidukliwin nniḍen. 

 

Ammad, aselken d usengel n yeḍrisen ara yettwasiẓregen ad yili d amahil n yiwet n terbaɛt tagetussniwin s lmenddad n uselmad asdawan Yazid Oulha yellan daɣen d amaslaḍ n tiddukla Numidya.

 

Tanemselt-a ad tili d tagnit ideg ara d-yessenɛet Usqamu Unnig n Timmuzɣa ahil-ines n teẓrigin n useggas-a 2020, gara-sent timucuha-ya ara d--yettwasizregen akkad tezrigin ENAG.