Ilmend n tmesrit n udlis di Buɣni d-tessuddes tɣiwant n Buɣni seg 08 ar 10 Ctember 2022, tuɣal tejmilt i prufisur Youcef Nacib, aselway n tesmilt n ufran  n warraz n uselway n tigduda n tsekla d tutlayt n tmaziɣt.

Yewwi-d Mass Nacib asarag amezwaru deg wahil n temsrit-a, ideg d-yuɣal s wawal ɣef sin wudmawen n tmusni Ccix Muḥend Ulḥusin akked Ccix aḥeddad d tmuɣliwin-nnsen ɣef temsal n tudert d tnekra n 1871. Asqamu unnig n timmuzɣa yikka deg tmesrit tamezwarut n udlis di Buɣni s tefsert n yedlisen s tmaziɣt deg taɣulin yemxallafen, d tasekla, tussna, d tiknulujit…atg.