Yella-d wassaɣ n ticcurka gar Usqamu Unnig n Timmuzɣa akked Tkadimit Tafriqit n Tutlayin mbeεd mi d-yerza Dr Lang Fafa Dampha amaray amatu n tkadimit ɣer lemqer n Usqamu Unnig n Timmuzɣa deg ussan n tedwilt tis tlata n Tesqamut Tatiqnit Tuzzigt ɣef Yilmeẓyen, Idles d Waddalen i d-yellan deg Lezzayer di tuber 2018.

Asurif amezwaru n ticcurka-a yella-d s uttekki n Usqamu Unnig n Timmuzɣa di temlilit n Tesqamut Tussnant-Tatiqnit n Tkadimit Tafriqit n Tutlayin i d-yeḍran di Brazzaville (Tigduda n Congo) deg ass n 3 yebrir 2019 akked temlilit n umcaweṛ i d-yeḍran di Bamako( Mali) deg ussan n 23 d 24 yulyu 2019, rnu daɣen attekki n Usqamu Unnig n Timmuzɣa deg tnemselt n umahil d useɣwes i usbeddi n tesquma n tutlayin yettumeslayen beṛṛa i tlisa n tmura: tamharit, taεrabt d tmaziɣt i d-yeḍran seg 29 ar 31 tuber 2019 deg Addis-Abeba( Tigduda Tafidiralit n Ityupya).

Deg wayen yerzan tasqamut i yettusbedden i tmaziɣt di Tkadimit Tafriqit n Tutlayin, yewwi-d ad d-nebder attekki n waṭas n yiεeggalen izzayriyen seg-sen Prufisur Yusef Nasib i yettufernen d asemyaddas n tesqamut, Mass Si Lhacmi Ɛeṣṣad amaray amatu n Usqamu Unnig n Timmuzɣa, Massa Nadiya Berdus, Mass Ɛebdella Saddiqi, Mass Ɛebdennaser Geǧiba d Mass Ɛellawa Rabeḥi.

Aten-id uksar-a tlata n walɣuyen i d-yeskanayen attekki n Usqamu Unnig n Timmuzɣa deg leqdic n Tkadimit Tafriqit n Tutlayin:

 

 

Alɣu U°01: Timlilit n Usqamu Ussnan-Atiqni, Brazaville ( Tigduda n Congo).

Alɣu U°02 : Timlilit ɣef tesniremt, Bamako ( Mali).

 

Alɣu U°03 :Tanemselt n Umahil d Useɣwes, Addis-Abeba   ( Ityupya).