Afakul n Temlilit

 

Taɣerma n yimaziɣen teslul-d deg talliyin yemxallafen yezrin deg umezruy-ines, yiwen yedles yefka udem anaṣli i uɣref. deg tallit taqburt, imaziɣen ssawḍen ad ddun d wayen d-tewwi tɣerma taṛumanit mucaɛen deg tallit-nni. Ssawḍen ad ssuksen ayen ten-inefɛen seg tɣerma-nni taṛumanit. Deg aya dɣa , semgadan awatay ayulyan akked uwatay-nnsen, yessuddesen ussan n useggas d tsemhuyin, aladɣa imi tameddurt-nsen tezdi akked tafellaḥt d yiflasen-nsen.

 

Imeɣnasen n timmuzɣa deg yiseggasen 60 d 70, fernen iwakken ad yili uneḍruy n usebdded n Cecnaq d aqerruy ɣef tsuta tis XXII n twacult taferɛunit, deg useggas n 950 send talalit n Sidna Ɛisa, d azemz i tazwara n uwatay amaziɣ d-semgadan akked wass n 12 yennayer deg useggas agriguri (awatay agriguri iga ubabat Grigwar wis 13 deg useggas n 1582, d-yugem seg uwatay ayulyan n 45 S.T n SƐ).

 

Iswi-nsen s wayen akka gan, d tirirt n wazal i tɣerma tamaziɣt yefkan iẓuran deg yidles d umezruy, ad yili d azamul I tmagit n yimaziɣen. Asikel n yilibiyen seg uwagim wis kraḍ ɣer tmurt n yimaṣriyen, yenǧer abrid i wassaɣen yernan abaɣur i yedles-nsen.

 

Am waɣlanen nniḍen atraren, yezdin idlesan-nnsen ɣer umyiyen, ula d imaziɣen gan deg Yennayer d umyi iɣef ibdded yidles-nsen. Yettwasfugel s wudmawen yemxallafen, seg temnaḍt ɣer tayeḍ ( ama s tenwalt naɣ tfugliwin nniḍen), yettili-d gar 7 d 14 yennayer. Asenṣeb n umenzu n yennayen di Lezzayer, yerra ass n 12 Yennayer d azamul ara yesdukkelen izzayriyen.

 

Afugel n Yennayer yedda d tigawt n Usqamu Unnig n Timmuzɣa d-yesmektayen ineḍruyen d wudmawen n umezuy-nneɣ iwakken ad ilin d adlis gar ifassen n yal yiwen, ad ten-issinen yemdanen, ad d-agmen seg-sen timsirin yis-sen ad maggeren imal, ad zzuxen s wayen sɛan d tɣerma-nsen tamagimt.

 

Iswiyen n temlilit

 

Imandiyen ara yettikkin deg temlilit-agi tussnant ad ɛerḍen ad ssiɣen tafat iwakken ad d-tban tidet yerzan aneḍruy-a yesɛan azal ameqran, imi aladɣa yettwasfugel s tumert deg temnaḍin n tmurt n Lezzayer merra, maca inumak-is ur ttwassnen ara, aldɣa deg udmawen-is idelsanen imettiyen, d umezruy.

 

Ijga twengimt

 

  • Awatay n tfellaḥt, seg ansayen ɣer tmusni tussnant.
  • Yennayer, s wudem-is amezray d umyisan.
  • Yennayer , seg uwatay n tfellaḥt ɣer tmeɣra taɣelnawt s wudmawen-is yemxallafen ( tafellaḥt, tanwalt, idles…etc)
  • Yennayer: seg twacult ɣer adeg agdudan d tsudwin.
  • Asudu n Yennayer, dacu n ubaɣur ara d-yernu?