Asqamu Unnig n Timmuzɣa ad yessuddes s ddaw leɛnaya n mass Mohammed Meziane, aneɣlaf n taywalt akked mass Mohamed  BEN MALEK lwali n lwilaya n tbatent, ass n 17 mayu 2025 di tzeqqa n yisurag n tesdawit n Ḥaǧ Lexḍar tabatent 1, ass n tezrawt s ugzul " Talɣut s tmaziɣt di lezzayer, asnerni n tirmit d uwali ɣer zdat ", aya s umtawa akked tdukkli n yinmeɣṛuyen d yineɣmasen n lewras-tabatent .

 

Aya ad d-yili ilmend n wussis asudu ara yesnernin tutlayt tamaziɣt, akked tilin-ines deg wannar n talɣut aɣelnaw, yerna d tagnit i uktazal n termitin talɣutin s tmaziɣt, d yibeddi ɣef yiswiyen i d-yellan, rnu ɣer-s lemcawrat ɣef usnerni n ugbur n talɣut s tmaziɣt.

 

Ass n tezrawt-agi ad yili d ass n talɣut ussnan s wazal-is, anda ara d-ilin yisurag ara d-ssisnen yiselmaden d yineɣmasen, yerna d tagnit i usnerni n uskasi ɣef tegnatin d yicqiṛṛwen ara iqablen talɣut s tmaziɣt. s yin akin ad d-yili ukeṛṛem n wudmawen ixedmen i teɣzi n ubrid-nsen amsadur.

 

Asmel n usali n wahil-a