Ad terzu yiwet n terbaɛt n Usqamu Unnig n Timmuzɣa, ɣef yixf-is Mass Si Lhacmi Ɛessad, ɣer tesdawit Dda Lmulud At Mɛemmeṛ n Tizi Wezzu, ass n ttlata 18 di meɣres 2014. Iswi n tirza agi d aheggi n ustenyi n leɛqed ara d-iḍerrɛen assaɣen ara ten-yerzun. Astenyi agi yewwi-d ad yessiǧhed imbeddal n tumussniwin yerzan tamaziɣt, ladɣa s usbeddi n yirmuden ara yesdukklen Asqamu d tesdawit n Tizi Wezzu deg wayen yennulen ɣer :   [checklist]
  • usiẓreg n tezrawin di tmaziɣt,
  • asali n tezrawin d inadiyen yerzan aselmed n tutlayt d yidles amaziɣ
  • asbeddi n wahilen n uselmed, n yidlisfusen d imsedduyen n uselmed
  • asemres n tesnafukkest n uselɣu d teywalt i unadi d uselmed
  • ambeddal n tzemmar di s kra icudden ɣer tmaziɣt
  • asizrew n uslugen n wawalen di taɣult n tmaziɣt d umbeddal n warraten.
[/checklist]