Iban deg ussan-agi ineggura usmel Internet n Usqamu Unnig n Timmuzɣa s yiwen wudem d amaynut. Ahil n taywalt n usqamu yefka azal d ameqqran i ttawilat atraren n yisallen. Iswi-ines d akken ad d-yefk tagnitt i yimnadiyen isdawanen d wid terza temsalt akken ad afen, d umatu, isallen ilaqen. S wakka, Asqamu Unnig n Timmuzɣa yefka asurif deg umecwar n leqdic-ines ara yefken afud i wayen xeddmen yimussnawen d yisdawanen deg uḥric n tussna d yidles amaziɣ s uttikki n tesdawiyin n tmurt.