Amaray amatu n Usqamu Unnig n Timmuzɣa, akked lwali n lwilaya n El Oued llan-d ɣef demma n tulya tunṣibt n temlilit tussnant di tesdawit “ameɣṛas Hama Lakhdar”
- ibedd tasebḥit n was-a 30 Wenber 2025 mass Si El Hachemi Assad, amaray amatu n Usqamu Unnig n Timmuzɣa, akked mass Bahloul El Arbi, lwali n lwilaya n El Oued, d mass Omar Ferhati, anemhal n tesdawit “ameɣṛas Hama Lakhdar”, deg tzeqqa n yisaragen “Abu El Kacem Saadallah” ɣef tulya tunṣibt n yimahilen n wass amenzu n temlilit tussnant s uzwel “ taɣellist tadelsant di lezzayer d wazal n tutlayt tamaziɣt deg umesten n tmagit taɣelnawt”, aya yella-d s tilin n mass imḍebber n ugezdu n tsekla d tutlayin, tisudwin tidiganin d tɣellist.
- Iswi n temlilit-a tussnant, d asebgen n wazal n tɣellist tadelsant di lezzayer, dɣa ma nerra lwelha ɣer wuddisen-ines utlayanen idelsanen.
- Ass n tezrawt amezwaru llant-d deg-s temkeččmin sɣur kra n yiselmaden d yemnadiyen, d-yewwin ɣef kra n yisental ilan assaɣ d temlilit-a.
