Ilmend n wayen i yettwazuzren deg yiẓeḍwa inmettiyen ɣef tanaḍt i d-tceyyeɛ teɣlift n usegmi uṭṭun 1394 deg uzemz n 14 deg wayyur-a n ɣuct i d-yewwin ɣef uselmed n tutlayt n tmaziɣt, ladɣa seg lɣiḍ i d-sbeynen aṭas n yimdanen ideg llan yiselmaden d yimaswaḍen n tutlayt tamaziɣt deg wakud aɣurbiz unṣib, mbeɛd mi nerra s lbal s targzit i yellan deg tira n warrat-a aɣbalu imi tessebɛed deg wattal n usbeddi n talɣa tunsibt tamendawit n tmaziɣt, iceyyeɛ usqamu unnig n timmuzɣa tabrat tuxsibt i Mass aneɣlaf n usegmi aɣelnaw ideg yessuter deg-s ad yekkes tanaḍt-a w ad d-yessegzi ugur-a akken ur tt-snasayen ara yinemhalen n yiɣerbazen n usegmi d uselmed i kraḍ n yiswiren n usegmi. Akken daɣen i d-yegra iman-is Mass amaray amatu n usqamu unnig n timmuzɣa srid ɣer Mass aneɣlaf n usegmi aɣelnaw i usteqsi ɣef yiseḍruyen i yemmugen ilmend n yiqdicen n Uwanek ilmend n i usekked n ukeccum aɣurbiz d unmetti i ifazen, ladɣa deg tixuṭert n usdukel n lǧehd d useggem n lesfuf d usiqes ɣef tanfa taɣelnawt akken daɣen i ittekka ɣef wattal-a ɣef tmara n usefɛel n tdukli tamasit gar snat n tsudwin, aya ilmend n useɣwes n tsetratijit tamwatut i usewseɛ n uselmed n tutlayt n tmaziɣt ilmend n ukatar n tmendawt. Mwatan sin n yiguma ɣef usuddes n temlilit tamwatant deg wussan i d-iteddun akken ad tessuref i umuqel deg usbeddi n ukatar anesdukal imezgi ideg ara iressi s talwit d udiwenni ukris ladɣa deg tmuɣli deg usbeddi n yiseḍruyen i ilezmen i ukemmel d usnerni n uselmed n tmaziɣt ilmend n yisurdiwen n Uwanek.