Ilmend n tizzi tis snat usenfar n tkenwa gar tɣiwanin Timimun akked Uqbu, asqamu unnig n timmuzɣa, s tallelt n teɣlift n Yilemẓiyen d waddal akked tikkin n yiduba idiganen n ugezdu n Bgayet, yessuddus-d tahrest n yimuras yettwabudden i yinelmaden yufraren deg tutlayt tamaziɣt. Agrur-a n unebdu imsentel ad yili deg uxxam n yilemẓiyen "Al Amira", abrid n Uweqqas deg ugezdu n Bgayet.

Taɣemlilt-a n tehrest n yimuras ad tebdu ass n wamhad 28 edg ɣuct 2025, ad tkemmel almi d 05 deg ctember n useggas-a, ddaw tesweḍt n Mass amaray amatu n usqamu unnig n timmuzɣa, n lwali n Bgayet s tihawt n yimassayen n snat n tɣiwanin akked yikataren n teɣlift n yilemẓiyen akked usqamu aɣelnaw n yilemẓiyen.

Inemladen ara yekkin ad sfaydin s wahil imsegmi, adelsan d umerri yebbuɣren yesɛan iswi :

- Asmel n tutlayt n tmaziɣt d usijhed n uẓayer-ines deg wammas aɣurbiz ;

- Asekrazal n wazalen n tkenwa d usmeskel gar lwacul n Unẓul akked Ugafa ;

- Areṣṣi n yiman n tiɣermi akked tullya ɣef tanḍa tadelsant.

Tikti-ya tettuneḥsab d tizzi takmamt tezmer ad tessijhed tamyellat tamsuddut akked tsensegmit gar yimeskaren yemgraden n yiḥricen yecban Asegmi aɣelnaw akked win n Yilemẓiyen, annect-a s tikci n wazal i temlilt taxatart n usqamu unnig n timmuzɣa deg useklu akked usmel n uselmed n tutlayt tamaziɣt. Akken i tettafk i yinelmaden tagnit n tɣara yesdukulen almud, aqesser akked usegmi s wazalen n tmetti, ayen i yettɛawanen deg usijhed n uḥulfu n timmarewt ɣer yiwen uɣlan ameqran.