Ass n arim 08 ctember ɣef  10 n tṣebhit ad d-tili temlilit deg usqamu unnig n timmuzɣa ilmend n temlilit usileɣ i yimḍebbren deg usegmi ɣer tewlaft   i yigerdan s tilin n temɛessast taɣelnawt n tɣellist n yigerdan, tagnit i ubeggen n usekcem n yiḍles ubidaguji akk d win n tmetti n Usqammu Unnig n Timmuzɣa, yessekfel-d azal n tuyna d allal n uselmed d usnulfu i leqdic n yilmeẓyen.

Timlilit ad d-tesken i tɣamsa taɣelnawt ayen i d-yeffɣen seg tirmitin i d-yellan deg waṭas n lwilayat, deg-s inelmaden sexdamen tiɣawsiwin n lxedma deg kra n temsirin n usnulfu taslizṛit seg tikti d ṣinaryu , deg usewlef ɣer useggem, d ayen i ten- yeǧǧan ad d- sseknen tamuɣli-nsen ɣef umaḍal s kra n yisura imecṭaḥ s snat tutlayin tiɣelnawin.

Deg temlilit ad d-yettwasken kra n yisenfaren i d- iteddun, gar asen timlilit usileɣ i yimusnawen n tutlayt n tmaziɣt deg lwilaya n Blida di tuber s tallalt n Weɣlif n Usegmi Aɣelnaw, askan n wahil n useggas n 2025, tamesrit tagreɣlant n udlis, d uheyyi i tezrigt tis sḍis n warraz n Uselway n Tigduda i Tsekla d Tutlayt n Tmaziɣt.

Tagnit daɣen i usmekti ɣef iwellihen n temlilit taɣelnawt « Asmel n Tmaziɣt d Tɣellist Tanmagit » id-yellan di mayu yezrin, d ayen i d-yeskanen azal n tmaziɣt deg uḥric uselmed d yidles akk d tenmagit.