Ddaw tentilt n Uneɣlaf n Yimǧuhad d wat-yizerfan, Mass Ɛebdelmalek TACRIFT d umaray amatu n Useqqamu Unnig n Timmuzɣa, Mass Si Lhacmi ƐASSAD, s tihawt n yimgenses n Mass Anemhal amatu n waṛcib d Massaw n twacult tagrawliwt, fukken ass-a n lǧemɛa, yiweẓla n temlilit taɣelnawt iwumi semman s: " idles n uzbu gar umezruy d tkatut d tsugnit" i d-yettwasuddsen ilmend n umulli wis 70 ɣef tillin n Ugraw n Summam deg Bgayet iɣef yella d lmendad Uselway n Tegduda, Mass Ɛebdelmaǧid TEBBUN d yimnadiyen i yettikkin deg-s s yisaragen izalayen yusɣen ɣer tedra n yidles n uzbu i d-yekkan akkin i tillay n umezruy i d-yeddan akka:

1. Asbeddi n wahil imsuddes i usegrew n tkatut tamiwant n uzbu;

2. Aslali n wahil i useḥbiber d usmiḍen n tgemmi n uzbu;

3. Asemhez n tɣuri tazɣant d usemḍen n waṛcib;

4. Asbeddi n uzeṭṭa n unadi ideg ara ilin yimassanen yemgarden ɣef yidles n uzbu;

5. Tikci n wadeg axatar i tutlayin d usuɣel;

6. Ticki n wadeg i tsekla d tmedyazt d tẓuriwin deg uzraw n tkatut;

7. Asenfel n yikruzen n unadi d allalen imaɣlalen i usiweḍ n tkatut d tmussni.

Di taggara ifukk-itt umaray amatu n Useqqamu Unnig n Timmuzɣa s wawal urzin. Yenna-d deg wawal-is: ameskel seg uzraw n uzbu ideg ara yeṭṭef wudem n usekti adeg axatar s tsudest tamaɣlalt i ufares n tmussni d waray-is d usemmeɣ-ines i taggri.

Ass-a i tessuli temlilit tagraɣlant iwumi semman: idles n uzbu gar umezruy d tkatut d tsugnit.