Ɣer taggara n temlilit tussnant tadelsant d usileɣ n usentel « Lezzayer deg wul »i d-yessuddes Usqamu Unnig n Timmuuzɣad Rradyu Tazzayrit s lmendad n Lwali n Bumerdas, ffɣen-d yemttikkiyen deg yirmad yellan deg wahilseg 05 ɣer 08 yulyu s yiwellihen-a :

           1- Tigin n wahil « Lezzayer deg wul »d asiher aɣelnaw ara d-yettilinyal aseggas deg temnaḍin yemxallafen n tmurt ilmend n usfugel n tmeɣra n timunent d yilmeẓyen, deg yiswi n useǧhed n wassaɣen n tdukli di tmurt-nneɣ, s tuggti n tutlayin-is d yidelsan-is.

          2- Aslali n ugraw ussnan ara d-yelhun s temsal n tesnisemt d tesmidegt, ara d- yagmen seg yisaragen n yinadiyen n yisdawanen yettikkin deg temlilit taɣelnawt ɣef tesnisemt d- yellan deg wahil n leqdic-a i d-iga Usqamu Unnig n Timmuzɣa akked uɣlif n ugensi d tnegrawin tidiganin d umsasa n wakal.

         3- Aheyyi n tegnatin iwatan i usuddes n yiwet n temzizzelt taɣelawt n ccna aɣelnaẓri amaziɣ, s lmendad n Rradyu n Lezzayer akked Usqamu Unnig n Timmuzɣa, am wakken i d-yedda deg umtawa d-yellan gar-asen ass n 19 yebrir 2021.

      4-Asugget n tannanin n usileɣ i yineɣmisen yessemrasen tamaziɣt di Rradyuwat tidiganin.

      5- Aseḍru n umawal ara yezdin awalen n tmaziɣt yettwasmersen di taywalt s ttawil n tɣerɣert tumḍint ideg ara ttikkin wid d-yesfaydin seg usileɣ-agi amenzu. Iswi-ines daɣen d azday n talɣuyin merra yerzan tantaliwin yemxallafen n tmaziɣt.

 

Télécharger le document "iwellihen"
Ou consulter en ligne