Iwellihen imatuyen

 

Ɣer taggara n leqdicat n wass n tezrawt yerzan asentel “taywalt tamaziɣt deg Lezzayer : askrazal n tirmit, d tmuɣli i yimal » i d-yeḍran ass n 17 deg mayyu 2025 deg tesdawit Hadj Lakhdher n Tbatent 1, i d-yellan i lmendad-ines usqamu unnig n timmuzɣa s uzdi n tdukla n yineɣmisen d yimazanen Awras n Tbatent, ddaw leɛnaya n Mass aneɣlaf n taywalt, s tikkin tanezmart n Mass lwali n Tbatent. Seld n yiskasiyen yelhan gar yimeskaren ineɣmisen d yinarmasen yekkin, mtawan ɣef tegruma n yiwellihen-a :

1. Askar n usqamu imezdi gar teɣlift n teywalt akked usqamu unnig n timmuzɣa i yettuneḥsaben d allal n umwata tanamast i uressi d usihrew n useqdec n tutlayt tamaziɣt deg wallalen iɣelnawen n teɣwalt, inagduden d yimeẓlan, ayen ara d-yerren ɣef wadduden n uwanek ɣef tagti tutlayant d tdelsant ilmend n tdukli taɣelnawt.

2. Aɛiwed n uheyyi n yirmuden n usileɣ imezdiyen s usuddes n temliliyin tussnanin akked temlilliyin n usileɣ i lfayda n yineɣmisen d yixeddamen n teɣwalt s yiles amaziɣ, s tullya n tesga n yezzgen deg taɣult n tɣamsa yuran, tumḍint s tutlayt n tmaziɣt ayen ara yesneflin agbur bac ad yessijhed tawuri.

3. Aɛiwed n tmuɣli deg wakud n yihallen yettuxessen i tmaziɣt deg tesgiwin n yimaṭṭafen imnaḍiyen akked tmuzzigin s unekmar n teɣdemt tamnaḍant, ayen ara isurfen taduli yelhan ara iqadren abaɣur aasnilsan d udelsan aɣelnaw.

4. Asekrazal n usawaḍ anmaṭṭaf s tmaziɣt deg lwilayat yellan ɣer tlisa s useqdec n yisafaren isnilsanen idiganen, akken ad teqqel d yiwen seg wallalen n uḥaddi ɣef tnaya tadelsant s usbeddi n tiɣubla taɣelnawit, akken ad nerr yal talɣa n uzerrer aberrani neɣ irman n urway anmagan.

5. Asbeddi n ukatar n tiɣubla imezdi yerzan taɣamsa s yiles n tmaziɣt, ara iqedcen i yirmuden imneɣmisen ara d-yekken seg tɣerɣar tudmawit taɣelnawt, akken ad tɛiwen deg usbeddi n tiɣermi d unefli n tefrit timezdit ayen ara yemtawan d yimenzayen n tmendawt, ayen ara yeddun d yiswan n uwanek deg usjihed n dukli taɣelnawt.