IWELLIHEN N TEMLILIT
IWELLIHEN N TEMLILIT
Di taggara n yimahilen n temlilit taɣelnawt "Tamezduɣt tamensayt di Lezzayer, seg tallit taqburt ar tallit tamirant; aferdis agejdan n tneflit timezgit"; i d-yessudes Usqamu Unnig n Timmuzɣa s umɛawen akked tesdawit n Tamenɣast ass n 10 yennayer 2022 deg uxxam n yedles " Dasin Ult Ihema" ilmend n usfuggel unṣib n Yennayer 2972; i d-yellan seg 08 ar 12 -01-2022 ddaw laɛnaya n Mass Aselway n tigduda, s lmendad n teɣlift n Yidles d Tẓuri d Mass Lwali n Ugezdu n Tamenɣast.
Imttekkiyen mtawan ɣef yiwellihen-a:
Agum amezwaru
A -Tamezduɣt tamensayt di Lezzayer( Aseḥbiber d useǧhed-ines)
1- Yewwi-d ad d-yili usban n yiferdisen i s tettwassen tmezduɣt tamensayt ilmend n usesmel-is akken ad tuɣal d tigemmi taɣelnawt.
2-Askar n tkarḍa taɣelnawt n tmezduɣt tamensayt deg Lezzayer s uskan n umedya n tmezduɣt yettwassnen di yal tamnaḍt deg Lezzayer.
3- Aheyyi n yikaramen n uṣennef d usettef n tewsatin n tmezduɣt tamensayt s uḍfar n yilugan d tesnarrayt ssersen yeɣlifen n yidles d tzuri akked win n tmezduɣt d useɣrem.
4- Asnerni n ttawilat n useḥbiber ɣef tgemmi taɣelnawt ilmend n utkeffel s yes akken ilaq, d leqdic akken ad d-yili usemsel-is ɣef uswir agraɣlan.
5- asdusi n wallalen n useḥbiber ɣef tgemmi tasegdant d useḍru n wumuɣen itiqniyen yerzan tamezduɣt tamensayt.
6- Asebɣes n unadiussnan d tullya n yiberdan n usileɣ n yiɣbula alsanen deg uḥric n uselmed unnig ( turagt, master….)deg taɣult n tsegda tamensayt (di meṛṛa tiwsatin-is) yerzan yal tamnaḍt.
7-Ajerred n tsegda taɣerfant deg wumuɣ n tgemmi taɣelnawt iwakken ad d-yili utkeffel yis akken iwata ar yimi ara d-yili uṣennef-ines.
8- Asmatu n taɣult n tiqaniyin n lebni d usmaynu n tmezduɣt tamensayt deg wammasen n usileɣ amsadur.
9- Tullya n wammassen uzzigen n usileɣ di tmusniwin d tenḍiwin timensayin.
Agumwis sin
B-Tasegda tamensayt d tneflit timezgit
1-Asefit di tgemmi tangant d tgemmi tarangant ara yilin d aferdis agejdan i tneflit timezgit;
2- Attkal ɣef useddu asrumsan deg tneflit tadigant d tririt n tgemmi tasegdant tamensayt d aferdis i ɣef ara ibedd uselḥu-ines.
3- Asbeddi n yiwen umedya imezdi yufraren gar uɣerman d yimeskaren idduklalen d tsudwin yerza useddu n tgemmi d usekcem -ines deg tsetratijit n tneflit timezgit .
4- Aseḥbiber ɣef usdakkel gar tensit tamensayt tadigant d tensit tasedgant tartar deg uɛiwed n tmuɣli i temdinin d uslali n temdinin timaynutin .
5-Aseɛlem n tsudwin tussnanin ɣef wazal n tullya n taɣult n "Tadamsa tadelsant " deg tmezdayin n tussniwin n tdamsa d tnezut d tussniwin n useddu deg tesdawiyin d isuduyen iɣelnawen.
Tamenɣast 11yennayer 2022
