Ddaw u tentilt tamattayt n Uselway n Tegduda Mass Ɛebdelmaǧid TEBBUN yesselwi tameddit-a deg tzeqqa Buɛlam SƐIDANI, deg tesdawit Ɛebderraḥman MIRA, deg Bgayet, uneɣlaf n Yimǧuhad d wat yizerfan Mass Ɛebdelmalek TACRIFT d umaray amatu n Useqqamu Unnig n Timmuzɣa, Mass si Lhacmi ƐASSAD ɣer yidis n Umaray amatu n Ugezdu n Bgayet, amasay n yiweẓla n Ugezdu Mass YAḤYAWI Saɛid ɣef tullya tunṣibt n temlilit tagraɣlant yuwin isem " Idles n uzbu gar umezruy d tkatut d tsugnit" i d-yettwasuddsen ilmend n usfugel wis sat tmerwin(70) i umuken n Ugraw n Summam.
Deg tullya-agi, llan waṭas n yimussnawen at wuswir amattay,
. Mass anesfaw n Uselway n Tegduda yettusɣelfen s yiweẓla isertanen d wassaɣen d yilmeẓyen d yiɣermanen d yikubar isertanen.
- Mass aselway n tmesnila taɣelnawt n useḥbiber n tnefka tinimanin.
- Mass Aselway n tseqqamut taɣelnawt n tkatut d umezruy ɣer tselwit n tegduda.
- Mass kulunal, lmgenses n uɣlif n ustan.
- Massaw imgensasen n uɣlif n ugensu d win tmazna d teywalt.
- inmahalen d yimgensasen n tmagliwin tidiblumasiyin i igensen deg Lezzayer. Tamurt n Falitin, Tagduda n Tefriqt n Unẓul, Tagduda Taɛrabt n Sseḥra Tutrimt, Tagduda n Tunes, Tagduda Tanemlayt n Byiṭnam,
- Massawat d Massaw imzanen n umni s sin yiseqquma-ines,
- Mass Aselway n Useqqamu Aɣerfan n Twilayt,
- Massaw imaslaḍen n tseqqamut n tɣellist d tserdast d teɣdemt n ugezdu n Bgayet,
- Massawat d Massaw imgensasen n Tmehla tamatut n waṛcib aɣelnaw,
- Massawat d Massaw imgensasen n tsuda timenḍawin tidiganin,
- Mass Aselway n Tesdawit Ɛebderraḥman Mira, Bgayet,
- Massaw imasayen n usudu amattay " Lɣufran" n Tɣerdayt,
- Mass imgenses n Unemhal amatu n tiddukkla Nafṭal, amawas unsib n uneḍru.
Yesdaken Mass amaray amatu n Useqqamu Unnig n Timmuzɣa deg wawal i d-yefka deg tullya tunsibt, belli aseḥbiber ɣef tkatut taɣelnawt zeg Lezzayer mačči d awal kan maca d takdit i umezruy imi yella d afaran asertan, d tamasit diɣ n uwanak. D ayen diɣ i d-ibegnen adeg-ines deg tmuɣli tastratijit n Uselway n Tegduda, Mass Ɛebdelmaǧid TEBBUN i tt-yerran tamsalt n uwanak, d tigejdit tagejdant gar tgejda n tnaya taɣelnawt iɣef tesdaken tmenḍawt n wamber 2020 deg tezwart-ines d waṭas seg yimagraden-is. Am wakken ttfuxun s uburez s umezruy n tmurt n Lezzayer d umennuɣ-is, d tekdit i yimeɣrasen d waray ɣef tmagit d tkatut taɣelnawt.
Yerna diɣ yessegza-d belli azbu azzayri yesdukkel akk timnaḍin n tmurt i yebɣu yili yidles-nsen d tutlayt-nsen. Ɣef waya, almad n tutlayin d tkatut d tsugnit yusɣen ɣer uzbu nettat diɣen d taɣuri ɣef wamek yeddes yili aɣelnaw n Lezzayer.
Yerna yedda diɣen belli tadukkli gar tsuda tiɣelnawin i d-yettwabedren yakan xeddment akk i yiwen yiswi, d aray n tkatut tazzayrit d lwert i tsutwin imi d nutenti i d takatut taɣelnawt ur nqebbel beṭṭu.
Tuddsa n temlilit-a, tla tuggugt tagraɣlant s wazal-is imi awanak ixeddem ussisen d imeqqranen i waray n tkatut taɣelnawt d ureṣṣi n tussna tanefrit i yettwasiggzen deg umezruy d tikci n wazal i tgemmi taɣelnawt imi d yiwet gar tgejda tixatarin deg usentem n tnaya taɣelnawt.
Ɣef teɣzi n sin wussan, ad skasin yimekkiyen izɣarayen d yigensayen, deg yisaragen-nsen, isental yeqqnen ɣer yidles n uzbu d talɣiwin-is d yisugnan-is imezrayen d yiseklanen mernaw n ugraw n Summam, d tigejdit n tkatut taɣelnawt.
. Aẓunẓu n snat n temzekniyin i d-isuddes uɣlif n Yimǧuhad d wat-yizerfan d tmehla tamatut u waṛcib aɣelnaw.